Most popular
သင့်တော်မှန်ကန်တဲ့ နေထိုင်မှုပုံစံတစ်ခု တည်ဆောက်ဖို အထောက်အကူပေးနိုင်မယ့် Lifestyle Coaching Chatbot တွေအကြောင်း
Knowledge | 7 MIN READ
အခုချိန်ကာလမှာ နေရာစုံ၊ အခြေအနေမျိုးစုံက ပြဿနာတွေ၊ စိတ်ညစ်စရာတွေကို ဖြေရှင်းရင်း ကိုယ်ရော စိတ်ပါပင်ပန်းလာတဲ့အခါ ကိုယ့်ကိုယ်ကို Healing လုပ်နိုင်မယ့် အလေ့အကျင့်ကောင်းတွေကို ကိုယ်တိုင်သိထားဖို့လိုအပ်လာပါတယ်။ ခုနောက်ပိုင်းမှာ နည်းပညာတွေတိုးတက်လာတာနဲ့အမျှ ကိုယ့်မှာဖြစ်နေတဲ့ ကျန်းမာရေးဆိုင်ရာ စိတ်ပိုင်းဆိုင်ရာပြဿနာတွေကို ခင်မင်ရတဲ့မိတ်ဆွေ၊ယုံကြည်ရတဲ့ အကြံဉာဏ်ပေးသူတွေကို ရင်ဖွင့်ပြောပြနေသမျိုး ပြောပြနိုင်တဲ့ Lifestyle Coaching Chatbot တွေကို အသုံးပြုလာကြပြီပဲဖြစ်ပါတယ်။
Lifestyle Coaching Chatbot တွေမှာ ဆရာဝန်နဲ့ ဆွေးနွေးကုသရလောက်အောင်ထိ မပြင်းထန်ပေမယ့် နေ့စဉ်လူမှုဘဝကို အနှောင့်အယှက်ဖြစ်နေစေတဲ့ အမူအကျင့်တွေ၊ စိတ်ပိုင်းဆိုင်ရာ အဆင်မပြေမှုတွေကိုပါ ဆွေးနွေးပြီးကိုယ်တိုင် ပြုပြင်ပြောင်းလဲနိုင်မှာပဲဖြစ်ပါတယ်။ Lifestyle Coaching Chatbot တွေက အသုံးပြုသူတွေ ကြုံတွေ့နေရတဲ့အခြေအနေအပေါ် မေးခွန်းတွေမေးမြန်းသွားမှာဖြစ်ပြီး တနေ့တာနေထိုင်စားသောက်မှုပုံစံနဲ့ ပတ်သက်ပြီး အလေ့အကျင့်ကောင်းတွေရရှိဖို့ အကြံဉာဏ်ပေးမှာဖြစ်ပါတယ်။
ဒီလို Chatbot တွေမှာဆိုရင် ကိုယ့်ရဲ့ Mental Health နဲ့ပတ်သက်ပြီး လက်ရှိခံစားနေရတဲ့ ခံစားချက်တွေကို ပြောပြလို့ရတဲ့ အတွက် ရင်းနှီးတဲ့သူငယ်ချင်းကို ရင်ဖွင့်ပြီး အကြံဉာဏ်တောင်းခံသလိုမျိုး ဖြစ်စေမှာပါ။ စိတ်ငြိမ်စေဖို့ Meditation Position တွေကို ပြောပြပေးနိုင်တဲ့အပြင် စိတ်ပင်ပန်းနေတဲ့အခါမျိုး ၊အာရုံစူးစိုက်လို့မရဖြစ်နေတဲ့အချိန်မျိုးတွေမှာ Chatbot ကနေ Recommend လုပ်ပေးတဲ့ နားထောင်သင့်တဲ့ Relaxing Songs လိုမျိုးတွေ၊ Meditation Music တွေကိုနားထောင်ပြီး စိတ်အပန်းဖြေနိုင်မှာ ဖြစ်ပါတယ်။
ကိုယ်တိုင်က အထိုင်များလို့ဖြစ်စေ၊ တနေကုန်ထိုင်ပြီး ရုံးအလုပ်လုပ်ရသူတွေအနေနဲ့လည်း ကိုယ်လက်လှုပ်ရှားမှု လုပ်ချင်တဲ့အခါမျိုးမှာ Lifestyle Coaching Chatbot တွေကတစ်ဆင့် Recommend ပေးတဲ့ လေ့ကျင့်ခန်းအမျိုးအစားတွေထဲကမှ ကိုယ်နဲ့ ကိုက်ညီမယ့် လေ့ကျင့်ခန်းတွေကို ရွေးချယ်ပြီး လုပ်လို့ရမှာဖြစ်ပါတယ်။ ဒါ့အပြင် ကိုယ်အဆင်ပြေမယ့် အချိန်ကိုရွေးချယ်ပြီး ပုံမှန်လေ့ကျင့်ခန်းလုပ်ဖို့သတ်မှတ်နိုင်တာမျိုးလုပ်နိုင်တဲ့အတွက် အချိန်မရှိလို့ လေ့ကျင့်ခန်းမလုပ်ဖြစ်တာမျိုး မဖြစ်တော့ပါဘူး။
ဒါ့အပြင် overweight/ underweight ဖြစ်နေတဲ့အခါမျိုး၊ ကိုယ်တိုင်က အစားအလွန်အကျွံစားနေမိလို့ ဒါမှမဟုတ် ကျန်းမာရေးနဲ့ ညီညွတ်တဲ့ စားသောက်မှုပုံစံကို ပြောင်းချင်တဲ့ အခါမျိုးမှာ BMI တွက်ချက်ပေးတဲ့ Chatbot တွေကိုသုံးမယ်ဆိုရင် တနေ့တာ လိုအပ်တဲ့ ကယ်လိုရီနဲ့ ကိုက်ညီတဲ့ အစားအသောက်တွေကို သိရှိနိုင်မှာဖြစ်ပါတယ်။ ဒီလို Chatbot တွေမှာဆိုရင် ကိုယ်တိုင်မစားတဲ့ အစားအသောက်တွေကိုပါ ရွေးချယ်ပေးလို့ရနိုင်တဲ့အတွက် ကိုယ်နဲ့အကိုက်ညီဆုံး စားသောက်မှုပုံစံကို ရရှိနိုင်မှာလည်း ဖြစ်ပါတယ်။
ကိုယ်သုံးနေတဲ့ Lifestyle Coaching Chatbot တွေက အကြံပေးတဲ့ Plan အတိုင်း ကိုယ့်ရဲ့တနေ့တာမှာ လုပ်ဆောင်ပြီးကြောင်းကို သတ်မှတ်ပေးနိုင်မှာ ဖြစ်တဲ့အတွက် ကိုယ့်ရဲ့ ပြောင်းလဲတိုးတက်လာတဲ့ နေထိုင်စားသောက်မှုပုံစံကို သေချာသိလာနိုင်မှာပါ။
Lifestyle Coaching Chatbot တွေမှာ ကိုယ့်ဘက်က ဖြည့်သွင်းပေးလိုက်တဲ့ အချက်အလက်အပေါ်မူတည်ပြီး ဆရာဝန်နဲ့ တိုင်ပင်ဆွေးနွေးသင့်တယ်ဆိုရင် ဆွေးနွေးရမယ့် ဆရာဝန်တွေကိုပါ recommend လုပ်ပေးမှာ ဖြစ်တဲ့အတွက် ကိုယ့်အနေနဲ့ပြသရမယ့် ဆရာဝန်ကို အပင်ပန်းခံရှာနေရတာမျိုးကနေလည်း သက်သာစေမှာဖြစ်ပါတယ်။
Lifestyle Coaching Chatbot တွေကို အသုံးပြုပြီး ကိုယ့်ရဲ့ နေ့စဉ်နေထိုင်မှုပုံစံ အလေ့အကျင့်တခုကို ပြောင်းလဲနေထိုင်ခြင်းဖြင့် ကြုံတွေ့နေရတဲ့ လူပင်ပန်း စိတ်ပင်ပန်းဖြစ်နေတာတွေကို ကောင်းမွန်အောင် ပြန်တည်ဆောက်နိုင်မှာဖြစ်ပါတယ်။ အဲ့ဒီလို Chatbot တွေကို အသုံးပြုတာက လူကိုယ်တိုင်ဆေးခန်းသွားပြရလို့ ဆရာဝန်ကို စောင့်ရတာမျိုး၊ စမ်းသပ်ဖို့အချိန်ကုန်တာမျိုး လျော့နည်းစေမှာဖြစ်ပါတယ်။ ဒါကတော့ Lifestyle Coaching အတွက် အထောက်အကူပြုပေးနေတဲ့ Companion Chatbot ကနေ တစ်ဆင့် လုပ်ဆောင်ပေးနိုင်တဲ့ အစိတ်အပိုင်းတွေပဲဖြစ်ပါတယ်
လုပ်ငန်းတစ်ခုလုပ်ဆောင်ရာမှာ Business Plan နဲ့ ပတ်သက်ပြီးသိထားသင့်တဲ့အချက်တွေ
Knowledge | 10 MIN READ
လုပ်ငန်းရှင်တွေအနေနဲ့ လုပ်ငန်းတစ်ခုလုပ်ဆောင်ရာမှာ Business Plan နဲ့ပတ်သက်ပြီး သိထားသင့်တဲ့အချက်အလက်တွေကို ဝေမျှပေးလိုက်ပါတယ်။
(၁) Executive Summary
ကိုယ့်လုပ်ငန်းရဲ့ “ဘယ်ပြဿနာကို အဓိကဖြေရှင်းမှာလဲ” ဆိုတဲ့ Mission အပိုင်း၊ “ဒီပြဿနာပြေလည်သွားပြီးနောက်ပိုင်း ဒီပြဿနာနဲ့ဆက်စပ်နေတဲ့ ပတ်ဝန်းကျင်က ဘယ်လိုမျိုး အဆင့်မြှင့်တင်ပြောင်းလဲလာမယ်” ဆိုတဲ့ Vision အပိုင်းနဲ့ “ဘယ်လိုရည်ရွယ်ချက်မျိုးနဲ့ ဒီလုပ်ငန်းကို စတင်တယ်” ဆိုတဲ့ Purpose အပိုင်းတွေကို အနည်းဆုံး စာရွက်တစ်မျက်နှာစာလောက် သတ်သတ်မှတ်မှတ် ချရေးထားဖို့ လိုပါတယ်။
(၂) Target Market
ကိုယ့် Product/Service တွေက ဘယ်လိုလူမျိုးတွေအတွက် ရည်ရွယ်တယ်ဆိုတာကို တတ်နိုင်သမျှ ရှင်းရှင်းလင်းလင်း သတ်မှတ်ထားဖို့လိုပါတယ်။ ကိုယ်ရည်ရွယ်တဲ့ Market Segment ရဲ့ Demographics တွေနဲ့ ကိုယ့် Product/Service အတွက်လိုအပ်မယ့် Budget တွေကို ပိုမိုနားလည်အောင် စနစ်တကျ Survey ကောက်ယူဖို့လည်း လိုအပ်ပါတယ်။
(၃) Competitors
ကိုယ့်ရဲ့ ဈေးကွက်ထဲက စီးပွားရေးပြိုင်ဘက်တွေရဲ့ အားသာချက်၊အားနည်းချက်တွေကိုလည်း အမြဲလေ့လာနေပါ။ ပြိုင်ဘက်တွေကြားမှာ ကိုယ်က ဘယ်အပိုင်းမှာ ထိထိမိမိအားသာနေလည်း ဆိုတာကိုလည်း သတ်မှတ်ထားဖို့လိုအပ်ပါမယ်။
(၄) Human Resources
လုပ်ငန်းလည်ပတ်ဖို့ လိုအပ်မယ့် ဝန်ထမ်းပမာဏနဲ့ (ရှိထားပြီးသား) ဝန်ထမ်းပမာဏ လုံလောက်မှုရှိ/မရှိကိုလည်း ဆန်းစစ်ဖို့လိုအပ်ပါတယ်။ ဒါ့အပြင် ဝန်ထမ်းတွေဆီက လိုအပ်မယ့်အရည်အချင်းတွေကိုလည်း List တစ်ခုပြုလုပ်ထားဖို့လိုအပ်ပါတယ်။
(၅) Vendors/ Supplies
ကိုယ့်လုပ်ငန်းလည်ပတ်ဖို့အတွက် ပြင်ပက Project တွေဝင်လာဖို့ လို/မလို ဆိုတာကိုလည်း သတ်မှတ်ထားဖို့ လိုအပ်ပါမယ်။ ကိုယ့်လုပ်ငန်းမှာ ပုံမှန်အသုံးပြုနေမယ့် Supplies တွေ ဘယ်နေရာက ရနိုင်မယ်ဆိုတာနဲ့ ဘယ်လောက်ရေရှည်အတွက် စိတ်ချယုံကြည်ထားနိုင်မယ်ဆိုတာကိုလည်း စီစစ်ဖို့လိုအပ်ပါတယ်။
(၆) Marketing Plan
ကိုယ့် Product/Services တွေအတွက် အသင့်တော်ဆုံးဖြစ်မယ့် Client/Customer တွေဆီကို ကိုယ့်လုပ်ငန်းနဲ့ ပတ်သက်တဲ့ အကြောင်းအရာတွေ ကြားရမြင်ရသိရနိုင်အောင် ဘယ်လိုစီစဉ်ဆောင်ရွက်မယ်ဆိုတာကိုလည်း စဉ်းစားဖို့လိုပါမယ်။ ကိုယ့် Product/ Services အတွက် အဓိက Message က ဘာဖြစ်မယ်ဆိုတာကိုလည်း သတ်မှတ်ဖို့လိုပါလိမ့်မယ်။
(၇) Operations
လုပ်ငန်းကို ဘယ်လို run မယ်ဆိုတာ တိတိကျကျသတ်မှတ်ထားဖို့လိုသလို ပိုမိုပြီး Efficient ဖြစ်လာအောင်လည်း စဉ်ဆက်မပြတ် ဆင်ခြင်နေဖို့ လိုအပ်ပါလိမ့်မယ်။
(၈) Financial Projections
ကိုယ့်လုပ်ငန်းကို စတင်လည်ပတ်ဖို့ အရင်းအနှီး ဘယ်လောက်လိုအပ်မလဲဆိုတာကအစ ဘယ်တော့အရင်းကျေပြီး ဘယ်တော့အမြတ်ထွက်မယ်ဆိုတာအဆုံး သေသေချာချာစီစစ် သတ်မှတ်ထားဖို့ လိုအပ်မှာဖြစ်ပါတယ်။
6 Stages of Digital Transformation
Knowledge | 8 MIN READ
လုပ်ငန်းတစ်ခုကို Digitally Transform လုပ်နိုင်ဖို့သိသင့်တဲ့ အဆင့် (၆) ဆင့်ကိုဖော်ပြပေးလိုက်ပါတယ်။
(၁) Business as Usual
လုပ်ငန်းတစ်ခုကို Digitally Transform မလုပ်ခင်မှာရော၊ လုပ်နေစဉ်မှာပါ လည်ပတ်နေမယ့် အဖွဲ့အစည်းတစ်ခုရဲ့ ပုံမှန်လုပ်ရိုးလုပ်စဉ်တွေ ဖြစ်ပါတယ်။
(၂) Present and Active
လုပ်ငန်းတစ်ခု Digital ပိုင်းကို ကူးပြောင်းတဲ့နေရာမှာ ပါဝင်ပတ်သက်တဲ့ အဖွဲ့အစည်းရဲ့ စိတ်ပါဝင်စားမှု ဘယ်လောက်ရှိလဲဆိုတာနဲ့ အဲ့ဒီ စိတ်အားထက်သန်မှုဖြစ်လာစေတဲ့ အဓိက အကြောင်းအရင်းတွေ၊ အမျိုးမျိုးသော စမ်းသပ်လုပ်ဆောင်ကြည့်တာတွေ ပါဝင်ပါတယ်။
(၃) Formalized
အကယ်၍ Digital ပိုင်းကိုသွားနေစဉ်မှာ ကိုယ့်လုပ်ငန်းအဖွဲ့အစည်းနဲ့ ဆက်စပ်မှုမရှိဘူးဆိုရင် အတင်းအကြပ် ဖိအားပေးပြီးလုပ်ဆောင်တာမျိုး မဖြစ်သင့်ပါဘူး။
(၄) Strategic
အသင်းအဖွဲ့နဲ့ ပူးပေါင်းလုပ်ဆောင်ခြင်းတွေက လုပ်ငန်းတစ်ခုကို Digital Transformation အဖြစ်ကူးပြောင်းရာမှာ မဟာဗျူဟာကျကျ ချမှတ်ရမယ့် ရေတိုရည်မှန်းချက်အသစ်တွေနဲ့ ပတ်သက်ပြီး အထောက်အကူဖြစ်စေပါတယ်။
(၅)Converged
လုပ်ငန်းတစ်ခု Digital ပိုင်းကို ပြောင်းလဲနိုင်ဖို့အတွက် သေချာရည်မှန်းထားတဲ့ အဖွဲ့တစ်ခုဖြစ်လာပြီး အဲ့ဒီအဖွဲ့ဟာ ချမှတ်ထားပြီးသားဖြစ်တဲ့ နည်းလမ်းဗျူဟာတွေအတိုင်း ဆောင်ရွက်ပါတယ်။
(၆) Innovative & Adaptive
Digitally Transform လုပ်ဆောင်ပြီးတဲ့အခါ ချမှတ်ထားတဲ့ လုပ်ငန်းစဉ်တွေအတိုင်း ဆက်လက်လုပ်ဆောင်ရမှာပါ၊ Digitally Transform မလုပ်ခင်က လည်ပတ်နေတဲ့ လုပ်ငန်းရဲ့ လုပ်ရိုးလုပ်စဉ်ပုံစံမျိုး ပြန်ရောက်သွားလို့ မရပါဘူး။
